MILNEN@S

Xa está aberto o prazo para solicitar libros do Banco de Libros da AMPA Milnen@s para o curso 2026/2027. O rexistro de solicitudes realizarase mediante un formulario de Google, ao que podedes acceder a través da seguinte ligazón: 👉 https://forms.gle/mtEccxgoRjfrGw3s8 Do 20 ao 30 de xullo poderedes cubrir un formulario por cada libro que desexedes solicitar. Unha vez enviado cada formulario, recibiredes un correo electrónico de confirmación. Ao rematar o prazo de solicitudes, o 30 de xullo , enviarémosvos ao voso correo electrónico un xustificante con todos os libros solicitados. Durante os primeiros días de setembro ( datas aínda por confirmar ), as familias solicitantes deberán recoller os libros no local da AMPA, situado no centro educativo. Para iso, deberán presentar asinado o documento en formato PDF que recibirán adxunto ao correo electrónico. Lembramos a todas as familias que, para beneficiarse do Banco de Libros, é imprescindible ser socias da AMPA durante todo o curs...

Mañá, 14 de xullo , ábrese o prazo de inscrición nas actividades extraescolares organizadas pola ANPA Milnenos para o curso 2026/2027 . Como cada ano, convidámosvos a consultar con calma toda a oferta de actividades antes de formalizar a inscrición. Información importante Para participar nas actividades extraescolares será imprescindible ser socio/a da ANPA Milnenos . Para iso, é necesario darse de alta como familia socia ou renovar a cota para o vindeiro curso escolar . A cota da ANPA é de 20 € anuais por familia . Ademais, para participar en calquera actividade será obrigatorio formalizar a matrícula e o seguro da ANPA , cun importe de 19 € por cada alumno ou alumna , independentemente do número de actividades nas que participe. O pagamento da matrícula e do seguro realizarase mediante tarxeta bancaria no momento da inscrición . O pagamento das actividades realizarase, igual que o curso pasado, mediante transferencia bancaria directamente ao provedor , utilizando o número de conta q...

📢 Publicación do listado provisional das bolsas comedor para o curso escolar 2026/2027 O pasado 8 de xullo o concello da Coruña publicou a proposta de resolución provisional da convocatoria de bolsas comedor para o curso escolar 2026/2027 e a súa apertura do prazo de alegacións. 🔎 Onde podo consultar a listaxe e toda a información? Podes consultar a proposta de resolución provisional e a listaxe que a acompaña nos seguinte medios: Taboleiro de anuncios e edictos municipal no seguinte vínculo: https://sede.coruna.gob.es/opensiac/action/infopublica?method=enter&edictos=true Páxina web de servizos sociais: https://www.coruna.gal/servizossociais/gl?argIdioma=gl   Teléfono de Atención Cidadá 010, no horario de 08.00 a 20.30 h, de luns a venres e de 09.00 a 14.00 h os sábados.  Todas as listaxes obxecto de publicación identifican a solicitude do alumnado atendendo ao código do seu expediente individual. 📅 Prazo para a presentación de alegacións  Poderanse presentar ale...

📢 Nova axuda de 150€ por fillo/a para comedores escolares en Galicia A Xunta de Galicia acaba de lanzar unha nova convocatoria de axudas directas para o servizo de comedor do pasado curso 2025/2026 . 💰 En que consiste a axuda e canto se cobra? Trátase dun pago único de 150 € por cada fillo ou filla que fose usuario do comedor escolar. 💡 ¿É compatible con outras axudas? Sí, podes solicitala aínda que recibas outras subvencións para a mesma finalidade (sempre que o total non supere o custo real que pagaches polo comedor). 👤 Quen pode solicitala?  Para poder optar a este pago de 150 €, cómpre cumprir cos seguintes requisitos: Nivel educativo: Familias con alumnado matriculado durante o curso 2025/26 en 2º ciclo de Educación Infantil, Educación Primaria ou Educación Especial . Tipo de comedor: O servizo debe ser un comedor escolar non xestionado nin directa nin indirectamente pola Xunta.  Uso mínimo: O alumno/a debe ter asistido ao comedor, como mínimo, o 40% dos días le...

Bo día familias! Comeza o prazo para solicitar os servizos de mañanceiros, comedor, garda e custodia e cambiadores de Jardanay para o vindeiro curso. Como novidade, Jardanay estrea web para as inscripcións que permitirá ter un espazo privado para cada familia. Consultade ben a información no enlace que poñemos mais abaixo, onde indica todos os pasos que debedes seguir. Recordade que para o servizo de comedor hai un seguro obrigatorio de 11€ para todas as familias, socias e non socias. Tamén hai unha comisión por xestión de servizo de 40€ para as familias non socias da ANPA. No proceso de inscripción é importante que adxuntedes foto ou captura do carnet de socio (dispoñible en Ábaco). Estará aberto ata o 31 de agosto. Deixamos aquí o enlace coa información da inscripción: Inscripcion web Jardanay Aquí tedes ademais os enlaces directos actualizados de cada servizo para que poidades ler a información sobre cada un deles. Mañanceiros e comedor: Comedor e mañanceir@s Garda e custodia: Ser...

Publicación da listaxe de requirimentos de corrección de Bolsa comedor, convocatoria 2026/2027. Mañán 8 de xuño abre o prazo para a presentación dos requerimientos, e estará aberto ata o 19 de xuño, ambos os incluídos. - Publicación da listaxe total expedientes presentados. - Publicación da listaxe de corrección. Ambas as listaxes poden consultarse nesta ligazón . LISTAXE TOTAL SOLICITUDES PRESENTADAS Na primeira listaxe están todas as solicitudes presentadas, co codigo de rexistro de entrada ordenado alfabeticamente, a súa data de entrada no Rexistro e co número de expediente que corresponde a cada solicitante. Se a solicitude presentouse no Rexistro de Ágora, o seu código de asento comeza por AGOE, no Fórum Metropolitano por FORE, na Franxa por FRAE e en Mesoiro ou María Pita por RMPE. Se se presentou na sede electrónica municipal, aparece no campo "código do asento" ou selo dixital de rexistro. Despois con este número, pode consultarse a segunda listaxe, onde f...

Concerto de balde no Ágora, este sábado 06/06/2026 ás 18:00 horas. Máis información  aquí

Chega a axenda do MUNCYT de xuño, chea de actividades interesantes!  Entre outras:  TALLER TECNOLÓXICO FAMILIAR “CONSTRUCIÓN DUNHA MESA DE COMPOSICIÓN  MUSICAL ELECTRÓNICA”.  Sábado 20 ao 12.00 h. Público familiar (8-12 anos), reserva previa.  Proxecto de música electrónica con M8Factorial! con aparellos reciclados. ESPECTÁCULO MUSICAL “RAMONA PEQUENA VAI *Á LÚA” DE PAKOLAS.  Domingo 21 ao 12.00 h. Público familiar (a partir de 3 anos), reserva previa Música, fantasía didáctica e humor para coñecer a Ramona, unha nena apaixonada  polas ciencias que soña con converterse en astronauta.  YINCANA FAMILIAR.  Sábado 20 ao 13.15 h. e 18.00 h. Domingo 21 ao 13.15 h. Público familiar  (a partir de 6 anos), reserva previa.  TALLER “MUSEO SONORO”.  Sábado 20 e domingo 21 ao 11.15 h. Público familiar (a partir de 6 anos),  reserva previa.  Coñeceredes os sons de diversos aparellos utilizando tarxetas electrónicas Make...

O alumnado de 2º C de primaria entrevistou ao director de "La Voz de Galicia" na radio do cole,  Neste enlace podedes descargar o programa e ver todas as fotos!  BIBLIOTECA EPB: radio Se non coñecedes a páxina, aproveitade para navegar un rato pola web, pois tedes ahí todos os programas de "Emilia na Onda".                                                                                                                 

Un ano máis chega a Festa dos Porcos á Praza da Tolerancia.  Será o vindeiro sábado 13 de xuño, desde as 11:00 da mañá, haberá actividades infantís, xogos tradicionais e moita música! 

Nova edición do programa de actividades do Concello, Coruña no Mar.  Inscricións : Dende o 27/05/2026 ata o 31/05/2026 Prezo : a) Cursos semanais (de luns a venres): menores de 18 anos: 8,74 € b) Actividades dun día (venres, sábado ou domingo): 8,73 € TODA A INFORMACIÓN AQUÍ

Mañán venres 29 de maio, celébrase no Centro Ágora ás 20:00 un festival de música e poesía.  Entrada libre ata completar aforo. 

O 23 MAIO é o DÍA DOS MUSEOS, e os Museos Científicos Coruñeses terán xornadas de portas abertas. 🎟 Para visitar o Aquarium Finisterrae será imprescindible realizar unha reserva de entradas, que poderá realizarse cun máximo de 3 días de antelación. 🎟A visita ás salas de exposicións da Casa das Ciencias será libre, pero para asistir a unha sesión de Planetario haberá que reservar entradas, cun día de antelación. 🎟 Na Domus a entrada nesta xornada será libre, pero para acceder ao espazo MiniDomus hai que reservar entradas, cun máximo de 3 días de antelación Toda a info e os enlaces para solicitar as entradas premendo AQUÍ  

Nova convocatoria para o vindeiro curso escolar:  📚 Do 19 de maio ao 19 de xuño estará aberto o prazo para solicitar as axudas de libros e material escolar. ♻️ Préstamo de libros do fondo  📘 Axudas á compra de libros ✏️ Vales para adquisición de material ℹ️ https://www.edu.xunta.gal/fondolibros/

A Asociación Somos Nos, organiza o vindeiro domingo, día das Letras Galegas, unha xornada con música e baile coa Asociación Donaire, na Plaza Torrente Ballester.

Hoxe publicáronse as becas MEC, para alumnado con necesidades específicas de apoio educativo, para o vindeiro curso escolar 2026/2027. A solicitude estará aberta desde o 19 de maio ata o 10 de setembro. Pode solicitala alumnado con NEAE vinculadas a discapacidade, trastornos graves de conduta ou da comunicación e a linguaxe, trastorno do espectro autista e altas capacidades. A beca poderá solicitala alumnado de educación infantil, primaria, secundaria e bacharelatoe FP ( agás para as altas capacidades, que non está contemplada a etapa de Educación Infantil)  Toda a información premendo aquí . 

📆 Este sábado, 9 de maio, de 11 a 19 horas 📍 Xardíns de Méndez Núñez, A Coruña   Día da Ciencia na Rúa 2026, un día cheo de ciencia e diversión,  con experiencias e actividades de física, bioloxía, matemáticas, tecnoloxía...  Tamén haberá actividades na Casa das Ciencias, e xornada de portas abertas na Casa das Ciencias, Acuario e Domus. Organizado pola Asociación de Amigos da Casa das Ciencias e Cátedra Emalcsa-UDC. Toda a información e enlace para solicitar as entradas para os museos, premendo aquí . 

Este ano 2026 o Día das Letras Galegas adícase a Begoña Caamaño  . Para conmemorar este día, o Concello ten organizada unha axenda de actividades que empezan xa mañán, e que terán o seu punto forte do 14 ao 17. Este ano levan a cabo un programa de actividades gratuítas que inclúe concertos, espectáculos familiares, música tradicional, encontros e artes escénicas. O programa completo premendo  aquí  

Xa está publicada a axenda deste mes de maio no MUNCYT. Talleres, gincanas, un scape sobre Albert Einstein, información sobre eclipses e moito máis!  Toda a información aquí  

Familias, tedes un comunicado importante na aplicación Ábaco. O 12 de maio é a data límite para presentar a candidatura á directiva da Anpa Milnen@s. 

Tras a asamblea xeral coas familias asistentes, este ano o campamento de verán no Emilia levarano a cabo 2 empresas das que xa nos prestan servizos de actividades extraescolares, o Clube Deportivo Rosales (predeporte, baloncesto e fútbol sala) e Daigoro (judo e defensa persoal).  O campamento está destinado a alumnado de 3 a 15 anos, e abrangue desde o 22 de xuño ata o 31 de xullo, ambos incluídos.  O campamento contempla horario ampliado con mañanceiros e comedor desde as 07:45 ás 16:00 horas.  Neste dossier tedes toda a información sobre as actividades a desenvolver, quendas, prezos e demáis:  Campamento urbano 25-26.pdf - Google Drive As inscripcións poden facerse desde xa, no seguinte formulario:  I Campamento Urbano Los Rosales Con calquera dúbida podedes escribirlles directamente: info@clubdeportivolosrosales.com

O Concello abrirá a vindeira semana os prazos para a solicitude dos campamentos municipais.  A campaña deste ano son 6.116 prazas distribuídas en oito modalidades:  Campacoles: 1.080 prazas Campamentos de Fórum e Ágora: 1.350 prazas  Campamentos municipais de día: 416 prazas Campamentos urbanos nos centros cívicos: 2.250 prazas  Campamentos tradicionais con pernocta: 180 prazas Campamentos deportivos:  640 prazas Campamentos de Mocidade:  con 100 prazas Escola de Verán da OMIC: 100 prazas prazas Están destinados a nen@s nad@s desde 2022 ata mozos e mozas de 17 anos, con propostas adaptadas ás diferentes etapas da infancia e da adolescencia.  Reservaranse 98 prazas para menores con necesidades educativas especiais ou diversidade funcional, en función das características de cada programa. A preinscrición será os días 4, 5, 6 e 7 de maio. As listaxes provisionais publicaranse o 15 de maio e o prazo de reclamacións será os días 18 e 19.  O sorteo d...

FEDAPAS, a Federación de Anpas, solicítanos a difusión dunha mobilización polo ensino público para o vindeiro 6 de maio, en horario de tarde, saíndo da Praza de Catro Camiños.  É unha mobilización conxunta, de profesorado, familias e persoal non docente. 

O alumnado de 3º, 4º, 5º e 6º está de sorte, pois o vindeiro 22 de abril pola tarde, haberá un obradoiro de Poesía en Familia.  O taller impártese na Bibliolab, en horario de 17:00 a 18:45, a cargo da gran artista Dores Tembrás , se tedes ocasión non dubidedes en anotarvos!!  Botadelle unha ollada á súa web,  Web de Dores Tembrás E se queredes anotarvos, premendo aquí:  INSCRICIÓN OBRADOIRO FAMILIAS-FILLOS/AS POESÍA CON DORES TEMBRÁS. Aquí podedes ver algúns traballiños do curso pasado:  BIBLIOTECA EPB: Comerte a versos

O Conservatorio Profesional de Música da Coruña celebra Xornadas de Portas Abertas, e inicia o proceso de inscrición para as Probas de Acceso ao vindeiro curso académico. As Xornadas de Portas Abertas terán lugar o 21 e 28 de abril e o alumnado interesado pode inscribirse neste  formulario  O prazo de inscrición para as Probas de Acceso abrirá proximamente: 

Para poder solicitar praza nas actividades ofertadas pola Xunta, débese ter expedido   DNI ou NIE na data de presentación da solicitude e residir en Galicia. Para os campamentos que inclúan na súa programación actividades acuáticas é requisito saber nadar. Ningunha persoa participante poderá ser admitida en máis dun campamento por ano.  A praza adxudicada será intransferible. O prazo inicia mañán, e farase por sede electrónica da Xunta, tedes aquí toda a información:  Campas Xunta 2026

          Recordade que este ano, na declaración da renda, hai deduccións por adquisión de libros de texto e material escolar, con un máximo de 105€ por filla ou fillo.  Esta deducción contemplase para educación primaria, secundaria o educación especial.    Os requisitos, entre outros é que as nenas e nenos cursen educación primaria, secundaria ou educación especial nun centro público ou concertado.  A renta per cápita da unidade familiar non pode superar os 30.000 €. O gasto acreditarse mediante factura detallada dos bens adquiridos e os xustificantes de pago por tarxeta, transferencia bancaria, cheque nominativo, ingreso en conta ou a través de plataformas de pagos electrónicos instantáneos.  Máis información:  Por compra de libros de texto y material escolar - Axencia Tributaria de Galicia Agencia Tributaria: Por la adquisición de libros de texto y material escolar

A Fundación María José Jove e COGAMI, organizan por cuarto ano consecutivo a xornada de sensibilización "Aprender a Incluír". O evento deste ano centrarase no acceso ao emprego das persoas con discapacidade. O encontro celebrarase este nércores 5 de abril e abordará a transición da educación ao mercado laboral. Baixo o lema "Da educación ao emprego: construíndo oportunidades reais", a xornada terá un enfoque eminentemente práctico e reunirá a organizacións especializadas no emprego de persoas con discapacidade. O obxectivo é crear un espazo de diálogo e aprendizaxe sobre os desafíos e oportunidades que existen na transición da educación ao emprego, así como compartir as mellores prácticas que contribúan a unha inclusión laboral efectiva. 🗓️ Data e hora: mércores 15 de abril, de 18:00 a 19:30 h. 📍Localización: Sede da Fundación María José Jove. Entrada gratuíta, previa inscrición, premendo aquí  

O vindeiro 8 de abril hai unha xornada gratuíta sobre saúde mental e redes sociais na adolescencia.  Será no salón de actos da Facultade de Saúde da UDC (Campus de Oza).  A xornada é de 13:00 a 14:30 e require de inscripción previa, que poderá facerse ata o mesmo día ás 12:00.  Haberá unha presentación dun libro sobre o tema, e posteriormente a conferencia:    "Viviendo en el feed. Salud mental y redes sociales en la adolescencia"  ( Mónika Jiménez , profesora da Universidade Pompeu Fabra) Aquí o enlace da inscripción:  inscrición E aquí máis información:  Información

Xa está aquí a axenda deste mes de abril de 2026 no Muncyt.  Coma sempre haberá moitas actividades e todas de balde.  Este mes hai unha chea de actividades moi interesantes:  - P resentación do xogo do Go, a súa historia e curiosidades, e o  primeiro torneo oficial de Go de Galicia , un xogo de taboleiro con 4.000 anos de historia.  - Xornada sobre as Violencias Machistas Dixitais.  - E como sempre, gincanas familiares, xogos de pistas e moito máis.  Toda a información premendo aquí:  Axenda abril

Desde o servizo de deportes do Concello avísannos de que o  vindeiro  MARTES 14 DE ABRIL  terá lugar na cidade a primeira etapa da carreira ciclista profesional   O GRAN CAMIÑO 2026 , unha contra-reloxo individual de 15 quilómetros, con saída e chegada na Torre de Hércules. Esta proba é unha oportunidade para que @s nen@s poidan ver de primeira man unha proba ciclista internacional de alto nivel, pois xa está confirmada a participación  dalgúns dos mellores equipos do mundo, como o UAE Team Emirates e o Visma | Lease a Bike, primeiro e segundo clasificados no ránking internacional na pasada tempada.  Tamén estará o Movistar Team e  o equipo Q36.5 Pro Cycling Team.   E o mellor, que e ntre outras zonas da cidade, pasarán polo barrio dos Rosais :)  Toda a información está dispoñible na páxina web municipal de Deportes ( www.coruna.gal/deportes ) así como no teléfono de información gratuíto 010. Importante ter en conta que a  haberá af...

Moi boas, xa está publicado o menú de Jardanay para este terceito trimestre. Podes descargalo premendo  aquí

Este domingo 29 de marzo ás 19:30, celébrase no Centro Ágora a 2 ª edición deste festival de humor, música e teatro no Centro Ágora, dentro do programa Agra no Ágora , financiado polo Concello da Coruña e deseñado en colaboración coa Asociación Veciñal Agra do Orzán. Entradas de balde ata completar aforo.  Programa:  " As aparencias enganan ": sketch cómico de Javi Tink formado por dúas pezas relacionadas entre si: "Queimando prexuízos" e "Choiazo no mercado"  " 55 metros cadrados ": peza de microteatro de Javi Tink " Verdades involuntarias ": monólogo cómico de Laura Prego Concerto de   Belfluters : cuarteto de música tradicional e celta Festival Talento da Coruña II: microteatro e improvisación

   Chega un ano máis o Certamen de Teatro Escolar e Afeccionado da Diputación da Coruña, que se celebra no salón de actos do IES Rosalía Mera , de marzo a maio.  As obras de teatro son gratuitas e abren as portas 10 minutos antes de cada obra.  Tedes toda a información premendo neste enlace:  Calendario Certamen - IES Rosalía Mera E aquí todas as obras coa calificación para públicos:   calendario publico xxvii certame teatro 2026 actualizado a 09_03_2026.pdf Non perdades esta oportunidade! 

FEDAPAS , a Federación de Anpas da Coruña organiza unha formación para familias de alumnado de Educación Primaria e solicitanos difusión das mesmas:  A Xornada ten por nome" Comprendendo e acompañando o desenvolvemento dos nosos fillos e fillas" e tratará os seguintes temas:  Desenvolvemento infantil : Como crecen e aprenden os nenos e nenas, e que esperar en cada etapa. Sinais de alerta : Que observar para detectar posibles dificultades a tempo. Dificultades de aprendizaxe e  TDAH : Comprender estes desafíos e saber como actuar desde casa e en colaboración coa escola. Conduta : Estratexias para acompañar o comportamento infantil desde o respecto e a  empatía . O labor educativo da familia : Como inflúe a contorna familiar no desenvolvemento persoal e escolar. Educación consciente no fogar : Ferramentas para criar con presenza, afecto e límites saudables. Data:  Sábado día 11 de abril Horario : De 9:00 a 14:00 horas Lugar : Sede Federación  Prov .  AN...