Axudas de comedor de Jardanay e ANPA Milnen@s 2026/2027

Estimadas familias,
Desde a ANPA Milnenos informámosvos de que se abre o prazo para solicitar as axudas de comedor ANPA Milnenos-Jardanay correspondentes ao curso escolar 2026/2027.

O obxectivo desta convocatoria é financiar os gastos de comedor durante todo o curso de 6 menores pertencentes a familias socias da ANPA, tendo en conta as súas circunstancias familiares e socioeconómicas.

Xunto con esta comunicación, achegamos as Bases da convocatoria, onde se detallan os requisitos de participación, a documentación necesaria e o procedemento de presentación das solicitudes.

As solicitudes deberán enviarse por correo electrónico a beca.anpamilnenos@gmail.com, indicando no asunto o nome do neno ou nena solicitante da axuda e achegando toda a documentación indicada no apartado correspondente das bases.

Os prazos de tramitación son os seguintes:

• Presentación de solicitudes: Desde a publicación da convocatoria ata o venres 11 de setembro ás 23:59h
• Publicación das listas provisionais: Luns 14 de setembro
• Período de alegacións/reclamacións: Desde a publicación das listas provisionais ata o venres 18 de setembro ás 14:00h
• Publicación das listas definitivas: Luns 21 de setembro

Recomendamos revisar atentamente toda a información e cumprir cos prazos establecidos para garantir a correcta tramitación das solicitudes.

Quedamos á vosa disposición para calquera dúbida ou aclaración en Ábaco ou no correo habitual da ANPA.

Ligazón: Bases convocatoria bolsas comedor 2026-2027