MILNEN@S

Bo día familias!! Este Samaín queremos encher o Emilia de maxia, creatividade… e moito terror! 🕸️🦇 📅 Venres 23 de outubro 🕟 De 16:30 a 18:00 h 🧡 Vén decorar a túa cabaza connosco! E se aínda non tes cabaza, non te preocupes! Podes vir igualmente e axudarnos a transformar o Emilia nun auténtico cole de terror. 🏫💀 🎨 Será un taller aberto a todas as familias, no que poderemos compartir un anaco divertido facendo decoracións e manualidades para preparar o cole para o Samaín. 📌 Que tes que traer? 🎃 A túa propia cabaza para decorar. ✂️ Materiais que poidas achegar para as decoracións e manualidades (Rollos de papel, follas, castañas, pinturas… ou calquera material que poidas achegar e compartir) 👨‍👩‍👧‍👦 Importante : os nenos e nenas deberán vir acompañados dunha persoa adulta. Os adultos tamén deben apuntarse. 🕷️ Anímate a participar e axúdanos a crear un Emilia terrorificamente divertido! ❗ Incripción: Ata o 20 de outubro ás 23:00h a través de Ábaco. Agardámoste! 🧡🖤

Bo día familias, Poñemos á vosa disposición o menú xenérico de Jardanay para este primeiro trimestre. En caso de precisar o menú de alérxenos ou intolerancias, podedes poñervos en contacto directamente con Jardanay.  Podes descargalo pinchando na seguinte ligazón: Menú Primeiro Trimestre Xenérico 2026-2027 Un saúdo e bo inicio de curso

Estimadas familias: Unha das dúbidas máis recorrentes que nos estades trasladando está relacionada coa actualización do estado dos pagamentos das actividades na aplicación Ábaco. Queremos aclarar que a ANPA non xestiona nin recibe estes pagamentos . As familias realizades directamente as transferencias aos provedores das actividades e, polo tanto, nós non temos acceso ás súas contas nin podemos comprobar se foron recibidas. Por este motivo, son os propios provedores os responsables de actualizar na aplicación Ábaco o estado dos pagamentos recibidos. É certo que, nalgúns casos, poden demorarse nesta actualización, a pesar de que lles recordamos que deben manter a información ao día. Desde a ANPA facemos o posible para axilizar o proceso, pero non podemos facer máis ao respecto. Para facilitarvos a xestión de calquera incidencia, imos indicar na descrición de cada actividade o enderezo de correo electrónico de contacto do provedor correspondente. Así, se tedes algunha dúbida relacionada ...

Estimadas familias, Este novo curso comezamos as actividades extraescolares dun xeito un pouquiño diferente. O peche do noso querido Cole Azul, que durante tantos anos formou parte da nosa vida e de tantos momentos compartidos, lévanos a iniciar unha nova etapa e a adaptarnos a un novo espazo. Con este cambio de localización, vémonos na obriga de realizar unha reestruturación das entradas e saídas das actividades extraescolares, buscando sempre que o funcionamento sexa o máis sinxelo, seguro e organizado posible para todos. A partir de agora, todas as entradas e recollidas dos alumnos realizaranse dentro do propio centro , na zona do patio cuberto. Os monitores estarán alí para recibir os alumnos á hora de comezo de cada actividade e, unha vez reunido cada grupo, dirixiranse cos seus alumnos ao espazo correspondente. Por este motivo, é moi importante respectar os horarios e ser puntuais tanto á entrada como, especialmente, á hora da recollida. Unha vez que cada monitor se reuna co se...

O Concello da Coruña abre o prazo de inscrición para o Programa de Natación Escolar 2026/2027, dirixido ao alumnado de 3º e 4º de Educación Primaria dos centros educativos públicos da cidade. No CEIP Emilia Pardo Bazán contaremos con 25 prazas e a actividade realizarase os luns, de 17:00h a 17:45h , na Piscina Municipal de Riazor. O programa desenvolverase do 1 de outubro de 2026 ao 31 de maio de 2027 e inclúe o transporte de ida e volta desde o centro educativo, así como cobertura sanitaria. O prazo para solicitar praza estará aberto desde hoxe 8 de setembro ao 14 de setembro, ambos incluídos , a través do formulario habilitado polo Concello: https://www.coruna.gal/deportes/gl/actividades/natacion-escolar-outubro-a-maio/inscricion-en-natacion-escolar Os prazos son os seguintes:  A cota do programa é de 55,07€ por alumno/a . No caso de haber máis solicitudes que prazas dispoñibles, realizarase un sorteo o 17 de setembro ás 09:00h e a listaxe definitiva publicarase ese mesmo día á...

Estimadas familias, Desde a ANPA Milnenos informámosvos de que se abre o prazo para solicitar as axudas de comedor ANPA Milnenos-Jardanay correspondentes ao curso escolar 2026/2027. O obxectivo desta convocatoria é financiar os gastos de comedor durante todo o curso de 6 menores pertencentes a familias socias da ANPA, tendo en conta as súas circunstancias familiares e socioeconómicas. Xunto con esta comunicación, achegamos as Bases da convocatoria, onde se detallan os requisitos de participación, a documentación necesaria e o procedemento de presentación das solicitudes. As solicitudes deberán enviarse por correo electrónico a beca.anpamilnenos@gmail.com , indicando no asunto o nome do neno ou nena solicitante da axuda e achegando toda a documentación indicada no apartado correspondente das bases. Os prazos de tramitación son os seguintes: Presentación de solicitudes: Desde a publicación da convocatoria ata o venres 11 de setembro ás 23:59h Publicación das listas provisionais: Luns ...