Actividades Extraescolares

 ACTIVIDADES EXTRAESCOLARES

A inscrición das actividades extraescolares para o vindeiro curso escolar 2025/2026 está aberta desde o  mércores 16 de xullo, EXCLUSIVAMENTE a través da nova aplicación da Anpa: Aplicaciones de la plataforma | Ábaco

Se non tedes todos os datos e o perfil validado, non ides a poder facer as inscricións. 

Este ano iniciamos antes a inscripción porque no mes de agosto non se van a atender peticións de novas altas na aplicación. 

É importante que se teña en conta que este ano non hai PREINSCRIPCIÓN, son directamente inscripcións, e a propia aplicación xa vos vai indicando se tedes a praza. 

Con respecto ao pago de actividades farase A PRINCIPIOS DE MES, sabedes que xa o curso pasado se propuxo esta medida, pero por temas de comisións bancarias non foi posible levalo a cabo. Este ano sí será efectivo deste xeito, páganse antes de iniciar, entre o 1 e o 4 de cada mes. 

Cadro blog_Actividades_Extraescolares_2025_2026 (1) (3).docx (1).pdf - Google Drive

PREZOS CURSO ESCOLAR 2025_2026.docx.pdf - Google Drive

Condicións: 

• É obrigatorio o seguro e a matrícula de 17€, nun único pago anual por alumno ou alumna, independentemente do número de actividades aos que acuda. 
• As BAIXAS do alumnado teñen que ser notificadas á ANPA  antes do día 26 do mes anterior a causar baixa.
• O alumnado que acude a actividades extrasescolares despois de comedor, será trasladado xa ás pertinentes actividades polo propio persoal. 
• O funcionamento das actividades extraescolares estará suxeito ás reglas de funcionamento de réximen interno do centro educativo.  
• O cobro en setembro e xuño será proporcional. 

 

NORMAS DE USO PARA A CELEBRACIÓN E IMPARTICIÓN DE ACTIVIDADES EXTRAESCOLARES

Estas normas redáctanse co obxectivo de garantir un entorno seguro, respectuoso e axeitado para o correcto desenvolvemento das actividades. O seu cumprimento é obrigatorio para todas as persoas participantes.

1. Participación e compromiso

A inscrición nunha actividade extraescolar implica a aceptación expresa destas normas por parte do alumnado participante e dos seus responsables legais.

A participación debe ser regular. As faltas reiteradas sen xustificación poderán supoñer a baixa na actividade.

A puntualidade é fundamental tanto na entrada como na saída da actividade.

Recoméndase unha permanencia mínima de dous meses en cada actividade para que o alumnado poida adaptarse, aproveitar a aprendizaxe e respectar o desenvolvemento da clase. As altas e baixas continuas dificultan a planificación do profesorado e alteran o ritmo do grupo, polo que pedimos compromiso e responsabilidade no momento da inscrición.

Naquelas actividades que así o requiran, será obrigatorio estar federado/a conforme á normativa do provedor ou entidade organizadora. Nestes casos, a federación será un requisito imprescindible para participar.

As novas inscricións e as baixas deberán tramitarse a través da aplicación ÁBACO con polo menos 5 días de antelación ao inicio do novo mes. As baixas a metade de mes non implicarán devolución do importe xa aboado.

Os pagos das actividades extraescolares deberán realizarse por adiantado, desde o momento da inscrición e como data límite ata o día 4 de cada mes. No caso de non realizar o pago nese prazo, entenderase que se renuncia á praza e esta poderá ser asignada a outra persoa en lista de agarda.

O impago das cotas mensuais poderá ser causa de baixa inmediata na actividade. 

2. Seguridade e obxectos persoais

Está prohibido acudir ás actividades con obxectos persoais que poidan resultar perigosos ou causar dano, tales como xoguetes punzantes, ferramentas, obxectos cortantes ou dispositivos electrónicos non autorizados.

Non se permitirá o uso de teléfonos móbiles, tablets ou outros dispositivos electrónicos, salvo autorización expresa do persoal responsable e con fins educativos.

A ANPA e as empresas provedoras non se fan responsables da perda, roubo ou deterioración de obxectos persoais levados ás actividades.

3. Comportamento e convivencia

Esixirase en todo momento un comportamento respectuoso e axeitado cara as persoas monitoras, compañeir@s e espazos utilizados.

Non se tolerarán actitudes de violencia física ou verbal, acoso, desobediencia grave ou reiterada, nin faltas de respecto.

O alumnado deberá seguir as indicacións do persoal responsable da actividade en todo momento.

4. Hixiene, saúde e material

As nenas e nenos deberán acudir con roupa e calzado axeitado, especialmente nas actividades físicas ou deportivas.

Non se permitirá a asistencia ás actividades en caso de presentar síntomas de enfermidade que poidan supoñer un risco de contaxio.

Non se administrará medicación algunha durante o desenvolvemento das actividades por parte da empresa prestadora do servizo.

Será obrigatorio acudir co material específico que indique o provedor da actividade, sendo responsabilidade da familia a súa adquisición e mantemento.

5. Medidas disciplinarias

Ante o incumprimento destas normas, poderanse aplicar as seguintes medidas, de forma progresiva e proporcional:

• Advertencia verbal ao alumno ou alumna.

• Comunicación á familia informando do incidente.

• Expulsión temporal dunha ou varias sesións.

• Expulsión definitiva da actividade, sen dereito á devolución do importe aboado.

O provedor, en coordinación coa ANPA, valorará cada situación individualmente, garantindo o dereito de audiencia do menor e da súa familia antes de adoptar calquera medida definitiva.

6. Protección de datos e dereitos de imaxe

Calquera tratamento de imaxes, vídeos ou outros datos persoais axustarase ao Regulamento Xeral de Protección de Datos (RXPD) e á Lei Orgánica 3/2018.

Para a captación ou difusión de imaxes do alumnado requirirase autorización expresa e por escrito das persoas representantes legais.

7. Responsabilidade e coordinación

A responsabilidade do alumnado corresponde ao monitor ou monitora mentres dure a actividade e dentro do horario establecido.

As familias deberán recoller puntualmente aos seus fillos/as ao rematar a actividade, seguindo as indicacións do provedor.

Calquera dúbida, suxestión ou incidente poderá comunicarse ao provedor da actividade ou á ANPA a través dos canais habilitados (correo electrónico, aplicación, etc.).